Нийт нутгаар өчигдрөөс эхлэн их хэмжээний цас орсны улмаас халтиргаа, гулгаа ихсээд байна. Нийслэлд гэхэд өчигдөр тэг зогсолт хийтлээ түгжирсэн бол өнөөдөр ч мөн зам, талбай гулгаа ихтэй байгаа учраас зуны дугуйтай тээврийн хэрэгсэлтэй хөдөлгөөнд оролцохгүй байхыг Тээврийн цагдаагийн албанаас анхааруулж байна.
Түүнчлэн онц шаардлагагүй тохиолдолд хөдөө орон нутагт зорчихгүй байхыг анхааруулж байна. Өнөөдөр Дорнодын зүүн хэсгээр цасан шуурга шуурна. Мөн зүүн аймгуудын нутгаар ахиухан хэмжээний цас орж, цасан шуурга шуурч, нутгийн өмнөд хэсгээр хүчтэй салхи, шуургатай байх тул үзэгдэх орчин хаагдаж, зам даваа гүвээнд халтиргаа гулгаа үүсэж, хаагдаж болзошгүйг онцгойлон анхааруулж байна.