Сар бүрийн 3-нд “Цусаа бэлэглэх өдөр” тохиодог. Энэ өдөр буюу өчигдөр нийслэлд таван газар цус цуглуулах үйл ажиллагаа зохион байгууллаа.
Нэг донорын бэлэглэж байгаа 350-400 грамм цус гурван хүний амийг авардаг гэдэг. Тиймээс 2015 оноос эхлэн сар бүрийн 3-ныг “Цусаа бэлэглэх өдөр” болгон зарласан юм. Энэ ажлын хүрээнд цусны нөөц өмнөхөөсөө гурав дахин нэмэгдсэн байна.
Цус, цусан бүтээгдэхүүнийг орлуулах боломжгүй тул сайн дураараа цус бэлэглэж байгаа иргэнийг урамшуулдаг. Тухайлбал, 70-100 удаа цусаа хандивласан бол “Хүрэл донор”, 100-150 удаа цусаа хандивласан бол “Мөнгөн донор”, 150-иас дээш удаа цусаа хандивласан бол “Алтан донор”-оор өргөмжилдөг байна.