Хөдөлмөрийн хөлсний доод хэмжээ 240 мянган төгрөг болсонтой
холбогдуулан Сайн дурын даатгал төлөгчид гэрээгээ шинэчлэх шаардлагатай
гэдгийг Эрүүл мэнд, нийгмийн даатгалын ерөнхий газар (ЭМНДЕГ)-аас
мэдэгдэв.
Хөдөлмөрийн хөлсний доод хэмжээ 192 мянган төгрөг байхад 23 мянга 40
төгрөг сайн дураараа төлж байсан даатгуулагчид энэ сарын 01-нээс 28
мянга 800 төгрөг төлөх болсон. Тиймээс сайн дураараа даатгал төлөгчийг
харьяа аймаг, сум, дүүргийнхээ ЭМНДХ-т хандаж гэрээгээ шинэчлэн
байгуулах шаардлагатай болж байгаа юм.
Сайн дурын даатгалд хамарснаар өндөр настан, хөгжлийн бэрхшээлтэй,
тэжээгчээ алдсаны тэтгэвэр, жирэмсний болон амаржсаны, хөдөлмөрийн
чадвар түр алдсаны, оршуулгын тэтгэмж, сувилалын хувьсах зардал зэргийг
авах боломж бүрдэнэ. Нийслэлийн хэмжээнд өнгөрсөн онд 94 мянга 515 иргэд
сайн дурын даатгалд хамрагдсан бөгөөд жил ирэх тусам тогтвортой өсч
байна. Энэ нь иргэдийн сайн дурын даатгалын ач холбогдлын тухай мэдлэг
дээшилж байгааг илтгэж байгаа юм.