АН-ын Гүйцэтгэх зөвлөл хуралдаж цаг үеийн
олон асуудлаар ярилцжээ. Тэд “Засгийн газрын гишүүний орон тоо гарсан
тохиолдолд Улсын Их Хурал 30 хоногийн дотор түүнийг нөхөн томилно” гэсэн
хуулийг мөрдөж есдүгээр сарын 4-ний өдөрт багтаан сайд нарын нэрийг өргөн барих
талаар ярилцсан бололтой. Хуралд оролцсон ерөнхий сайд Ч.Сайханбилэг санал нэг
гэдгээ мэдэгдсэн байна. Түүнчлэн нөхөн томилогдох сайд нарын нэрийг маргааш
өргөн барьж магадгүй гэх мэдээлэл байна. Мөн УИХ-ын дарга З.Энхболд энэ сарын
30-ны өдөр буюу ирэх ням гаригт Нью-Йорк хотноо болох Дэлхийн парламентын
спикерүүдийн дөрөвдүгээр уулзалтад оролцоод ирэх сарын 5-ны өдөр Монголд ирэх
төлөвлөгөөтэй байгаа. Иймд Р.Гончигдоржийг УИХ-ын даргын үүрэгт ажлыг түр орлох
захирамж гаргаж магадгүй байна.
Categories