Монгол Улсын Ерөнхийлөгч Халтмаагийн Баттулгын 38 тоот зарлигаар 2017 оны Азийн Оюутны 3х3 тэмцээний алтан медальт, 2017 оны Дэлхийн Оюутны лигийн алтан медаль, ФИБА 3х3 Их Дуулгын тэмцээн Дэлхийн Оюутан залуучуудыг төлөөлөн оролцсон Монгол Улсын 3х3 Залуучуудын шигшээ багийг Төрийн Дээд шагнал “Хөдөлмөрийн Хүндэт” медалиар шагналаа.
Шагналын МҮСБХ-ны Ерөнхийлөгч, УИХ-ын гишүүн Содномзундуйн Эрдэнэ өнөөдөр гардуулан өглөө. Монгол Улсынхаа нэр хүндийг тив, дэлхийд цуурайтуулсан тамирчид ийнхүү өнөөдөр Монгол төрдөө үнэлүүллээ. Баг, тамирчдадаа халуун баяр хүргэж, цаашдын спортын амжилтад улам их амжилтыг хүсэн ерөөе!
Багийн бүрэлдэхүүнийг танилцуулбал:
Ахлах дасгалжуулагч: Сүхбаатарын Тулга
Тоглогчид:
Ариунбаатарын Сүхбат /Сүхбаатар аймаг/
Онолбаатарын Энхбаатар /Булган аймаг/
Батдэлгэрийн Наранбаатар /Хөвсгөл аймаг/
Боргилын Батзолбоо /Багийн ахлагч, Сүхбаатар аймаг/
Цогтын Отгонжаргал /Ховд аймаг/