Финалын тоглолтын дундуур Монгол улсын Сагсан бөмбөгийн эрэгтэй шигшээ багт дуудагдаж буй тамирчдын нэрсийг зарлахад бэлэн боллоо. Өнөөдөр буюу 2018 оны тавдугаар сарын есний өдөр Монгол улсын 1,2-р шигшээ багийг бүрдүүлэх болно.
Санчир, Билгүүн, Батжавхлан зэрэг шигшээ багийн тамирчид, АНУ-ын коллеж болон мэргэжлийн бусад лигт тоглосон туршлагатай хоёр легионер тоглогчдоор эгнээгээ зузаатгасан “Хасын хүлэгүүд” баг, нөгөө талаас Европ болон Япон, Тайланд зэрэг азийн мэргэжлийн томоохон лигүүдэд тоглож чамгүй амжилт гаргасан, FIBA-н залуучуудын U-19 ангиллын Дэлхийн аварга цолыг хүртэж байсан, Тайландын мэргэжлийн дээд лигийн MVP тоглогч Деанжело Хамильтон болон Харрис, Ганболд, Мөнхтөр нарын шилдэг тоглогчдыг бүрэлдэхүүндээ багтаасан “Төв Ургац” багууд 2018 оны Дээд Лигийн аваргын цомын төлөө өрсөлдөж байна.