ОХУ-ын Төрийн Думын сонгууль есдүгээр сарын 19-нд болно. Энэхүү сонгууль нь тус улсын төрийн тэргүүн В.Путины 2024 онд болох ерөнхийлөгчийн сонгуулийн өмнө эрх мэдэл, засаглалаа бэхжүүлэхэд чухал ач холбогдолтой аж.
Нэгдсэн Орос намаас нэр дэвшигчдээ тодрууллаа. Энэхүү жагсаалтад ОХУ-ын Гадаад хэргийн сайд Сергей Лавров, Батлан хамгаалахын сайд Сергей Шойгу нар тэргүүлсэн. Ажиглагчдын үзэж буйгаар В.Путин нь С.Лавров, С.Шойгу нарын нэрийг дэвшүүлсэн нь Нэгдсэн Орос намыг дэмжигчдийг нэмэгдүүлэх зорилготой гэжээ. Дашрамд хэлэхэд, өнгөрсөн жил В.Путин Үндсэн хуульдаа өөрчлөлт оруулах замаар ерөнхийлөгчийн сонгуульд дахин нэр дэвших боломжоо нээсэн билээ. Хэрэв тэрээр сонгуульд ялалт байгуулбал 2036 он хүртэл тус улсыг хаших эрхтэй болж байгаа юм.
Д.ЦЭРЭНДОЛГОР