Манай сурвалжлах баг Төв цэнгэлдэх хүрээлэнд ажиллаж байна. Энэ үеэр Шагайн харвааны салбар хорооны дарга С.Эрдэнэбаатар ярихдаа “Франц, Америк улсаас харваачид их оролцож байна. Дэлхийд цуутай Монгол наадам маань жил ирэх тусам илүү өргөн хүрээг хамарч байна. Гадаад байгаа монголчууд холбоо тогтоож, монгол ёс заншлаа дээдэлж, хүмүүст шагай, сур харвааг таниулж, онцлогийг нь тайлбарладаг юм билээ. Иймээс гадаадаас харваачид их ирж оролцож байгаа. Энэ жилийн баяр наадам их онцлогтой сайхан болж байна. Үндэсний уламжлалаа сэргээсэн, сэтгэлд их тааламжтай сайхан байна” гэв.