“Өдрийн сонин”-ы зургадугаар сарын 10-ны дугаар уншигч таны гарт хүрч байна. Дугаарын эхний нүүрээс “Корона вирус манайд илрээгүй хэдий ч халдвар орж ирэх магадлал өндөр гэнэ” хэмээх гарчигтай сурвалжлагыг унших болно. Сэтгүүлч С.Алтанцэцэгийн бэлтгэсэн тус сурвалжлагын дэлгэрэнгүйг арваннэгдүгээр нүүрт нийтэллээ. Мөн эхний нүүрт УИХ-ын дэд дарга Р.Гончигдоржийн “Ерөнхийлөгчийн УИХ, Засгийн газартайгаа хуваалцаж байсан гүйцэтгэх болон хууль тогтоох эрх мэдлийн оролцоог хумьж байгаа” хэмээх Үндсэн хуулийн өөрчлөлттэй холбоотой ярилцлагыг онцоллоо. Түүний ярилцлагын дэлгэрэнгүйг тавдугаар нүүрт нийтлэв. Харин “Өдрийн сонин”-ы нийтлэлийн бодлогыг тодорхойлдог “Баримт, үзэл бодол” нүүрт нэрт нийтлэлч Баабарын “Хоцрогдол” нийтлэл хэвлэгдлээ. “Баабар ингэж өгүүлэв” буланг гуравдугаар нүүрээс уншина уу.
Улс төрийн буланд тэтгэврийн шинэчлэлийн асуудлаар Д.Батцогт гишүүний ярилцлагыг нийтэллээ. Тэрчлэн Ерөнхийлөгчийн Франц улсад хийж буй айлчлалын сурвалжлага, байнгын хороон дээр гишүүд хэлэлцэж буй асуудлаасаа үүдэн ам зөрөлдсөнийг ч сурвалжлан хүргэлээ. Тэгвэл Эрэн сурвалжлах мэдээллийн буланд “Гудамжинд тарьсан нахиалж байгаа модыг хулгайлдаг болжээ” сурвалжлагыг хүргэж байгааг хүлээн авч унших боломжтой. Сэтгүүлч Ц.Баасансүрэн энэ дугаарт Монголын бизнесийн хөгжлийн холбооны Удирдах зөвлөлийн гишүүн Б.Дөлгөөнтэй ярилцав. Б.Дөлгөөн “Ирээдүйн далайн гарц бол Америк бус Ази” хэмээн өгүүлснийг арванесдүгээр нүүрт хэвлэлээ.
Тэрчлэн сэтгүүлч С.Алтанцэцэг “Өдрийн сонин”-ы томилолтоор Европын холбооны орнуудаар аялан, цуврал сурвалжлага бэлтгэснийг энэ дугаараас уншина уу. Тэрээр энэ дугаарт Австрийн Вена хотын тухай сийрүүлжээ. Мөн сэтгүүлч Л.Батцэнгэл “Миний аав” буланд Цэнд-Очирын Цолмонг урьж оролцуулсан байна. Ц.Цолмон “Аав минь их Нацагдоржтой уулзаж, Дандар баатартай хамт хоригдож явсан ардын эрхэм зохиолч байлаа” хэмээн дурссаныг хүлээн авч уншина уу.
Эрхэм уншигч та, манай сонины өнөөдрийн
дугаарыг “Монгол шуудан” компанийн нийслэл Улаанбаатар дахь 35 салбар,
“Түгээмэл” шуудан, “Улаанбаатар”, “Скай” шуудангийн салбаруудаас очиж
авч болох ба сонин борлуулах бүхий л цэгүүд, Хэвлэлийн биржээс худалдан
авах боломжтой юм. Мөн “Мөнгөн завъяа” дахь сонин борлуулах цэг, Сансрын
үйлчилгээний төв дэх сонин борлуулах цэг, Хан-Уул дүүргийн 19 дүгээр
хорооллын үйлчилгээний төвд байрлах сонин борлуулах цэг, Саппорогийн
“Миний дэлгүүр” дэх сонин борлуулах гол гол цэгүүдээс худалдах авч
болохыг дуулгая. “Өдрийн сонин”-ы өөрийн байранд ирж худалдан авч бас
болно. “Өдрийн сонин”-той холбоотой бүхий л мэдээллийг Мэдээлэх эрхийн
утас 19001987-гоос лавлаж болох ба энэ гуравдугаар улирлын захиалгаа
өгөхийг хүсвэл 9911-2954, 8811-1375 дугаарт холбогдоно уу. Хэрэв цахим
хэлбэрээр нь захиалахыг хүсвэл 88071920 дугаарт холбогдож дэлгэрэнгүй
мэдээллийг лавлаарай.
“ӨДРИЙН СОНИН” ӨГЛӨӨ БҮХНИЙ УРГАХ НАРНААР ТАНТАЙ ХАМТ