Даян дэлхийн байгаль хамгаалах сангийн Ази, Номхон далайн бүс нутаг хариуцсан захирал Прасанна Ди Силваг Монгол Улсын Ерөнхийлөгч Х.Баттулгын зарлигаар “Найрамдал” медалиар шагналаа. Шагналыг ЕТГ-ын дарга З.Энхболд гардууллаа.
Прасанна Ди Силва нь Монгол, Австрали, Армен, Лаос зэрэг улсуудад Олон улсын байгууллагын удирдах албан тушаал хашиж, төрийн болон Олон улсын байгууллагын төсөл, хөтөлбөрт нийтдээ 17 жил ажилласан туршлагатай.
Манай улсад “Дэлхийн зөн Монгол” Олон Улсын байгууллагын Үйл ажиллагаа эрхэлсэн захирлаар ажиллаж байсан юм.
Харин 2018 оноос Даян дэлхийн байгаль хамгаалах сангийн Ази, Номхон далайн бүс нутаг хариуцсан захирлаар ажиллаж байгаа юм.
Монголд ажиллах хугацаандаа Прасанна Ди Силва нь нийгэм, эдийн засаг, боловсрол, хүүхэд хамгаалал, хөдөө аж ахуй, гадаад харилцааны салбарт олон чухал ажлыг санаачлан хэрэгжүүлж Монгол Улсын хөгжилд бодитой хувь нэмэр оруулсан учир “Найрамдал” медалиар шагнаж буй аж гэж Засгийн газрын Хэвлэл мэдээлэл, олон нийттэй харилцах
хэлтсээс мэдээллээ.