Өмнөд Солонгосын Ерөнхийлөгч Пак Гын Хэ-г тус улсын Үндсэн хуулийн шүүхээс огцруулах шийдвэр гаргаж, огцрууллаа. Энэ шийдвэрийг гарсны дараа үргэлжлүүлэн авлигын хэргээр шалгах ёстой хэмээн үзэж хэдэн мянган хүн Сөүл хотноо жагсчээ.
Өмнөд Солонгосын анхны эмэгтэй Ерөнхийлөгч түүнийг Чой Сун Шилийн авсан мөнгөний тодорхой хувиас хүртэхээр үгссэн байж болзошгүй гэсэн дүгнэлтийг ажлын хэсэг гаргажээ. Тэгэхээр Пак Гын Хэ албан тушаалаа өгсний дараа эрүүгийн хариуцлагад татагдах магадлал өндөр байгаа юм.
Жагсаалд оролцсон иргэд түүнийг огцруулсанд Үндсэн хуулийн шүүхийн 8 гишүүнд баяр хүргэж алга ташин гартаа лоозон барин зарим нь бүр баярлан уйлж байсан тухай гаднын сайтуудад бичжээ.
О.ӨНӨР