“Бээжин-2022” өвлийн олимпын Монголын багийн салхийг хагалж ОУХМ А.Энхтуул өнөөдөр 16.00 цагт уралдлаа. Түүний өрсөлдсөн эмэгтэйчүүдийн спринт төрөлд 34 улсын 91 тамирчин хурд сорьсноос манай тамирчин 84-рт эрэмбэлэгдэн гараанаас гарав.
1.5 км-ийн уралдааны урьдчилсан шатыг Шведийн Йонна Сундлинг 3:09.03 минутын амжилтаар өнгөлсөн бол А.Энхтуул 3:58.25 минутын амжилтаар 79-р байрт эрэмбэлэгдэв. Урьдчилсан шатнаас шалгарсан шилдэг 30 тамирчин цааш медалийн төлөө өрсөлдөнө.
Олимпын наадамд өрсөлдөж буй манай тамирчин Б.Ачбадрах 17:05 цагт гараанаас гарах юм.
