Энэ сарын 10-23-ны хооронд орон нутгийн замд гарсан ослын улмаас 30 хүн нас баржээ. Улсын хэмжээнд энэ хугацаанд 24 осол гарсны дийлэнх нь буюу 19 нь орон нутгийн замд гарчээ. Сүүлийн үед орон нутгийн замд хурд хэтрүүлэх, урсгал сөрж явснаас осол их гарах болсон байна.
Хамгийн сүүлд л гэхэд Төв аймгийн нутаг “Жарын даваа”-нд “Хьюндай маяати” маркийн автомашины жолооч “Хьюндай аванте” маркийн автомашинтай мөргөлдөж, 47 настай жолооч Б, зорчигч долоон настай эрэгтэй Б нар тус тус нас баржээ. Тиймээс иргэд орон нутгийн замд дүрмээ чанд баримтлан, хурдаа тохируулж явахыг Замын цагдаагийн газраас сэрэмжлүүлсээр байна.