АНУ-ын Лос-Анжелес хотноо жил бүр зохиогддог кино урлагийн наадам болох “Оскар”-ын шагнал гардуулах ёслол тун саяхан өндөрлөлөө. 87 дахь удаагаа зохиогдож байгаа “Оскар”-ын наадамд нийтдээ найман кино өрсөлдөж эдгээр бүтээлүүдийг дэлгэцнээ амилуулахад хичээн зүтгэсэн жүжигчид, дүрс болон дууны найруулагчид, зохиолчид, зураглаач нар гэх мэт бүхий л уран бүтээлчид хэн нь шилдэг вэ гэдгээ сонслоо, зарлууллаа. “Америкийн мэргэн бууч”, “Бердмэн”, “Гран Будапешт”, “Стивен Хокингийн ертөнц” гэх мэтчилэн кинонууд энэ удаа өрсөлдлөө. Хэн гэдэг уран бүтээлч ямар төрөлд шагнал хүртсэнийг танилцуулъя.
Шилдэг кино: Мексикийн кино найруулагч “Алехандро Гонсалес Иньярриту” өөрөө зохиолыг нь бичиж найруулсан инээдмийн төрлийн “Бердмэн” хэмээх кино энэ жилийн шилдэг киноогоор заргалдлаа.
Шилдэг эрэгтэй жүжигчин: Британы алдарт физикч “Стивен Хокинг”-ийн амьдрал гэр бүлийнх нь харилцааны тухай өгүүлдэг Стивен Хокингийн ертөнц гэдэг киноны гол дүрийг бүтээсэн Эдди Редмэйн анх удаа Оскарын шагнал хуртэж үзлээ.
Шилдэг эмэгтэй жүжигчин: “Элис хэвээрээ“ гэдэг кинонд гол дүрийг бүтээсэн үзэсгэлэнт Жулиан Мур шилдэг эмэгтэй жүжигчинээр зарлагдлаа. Энэ Оскар түүний хувьд мөн л анхных нь юм байна. Хэдийгээр энэ эмэгтэй Холливүүдэд гялалзаад олон жил болж байгаач дөрвөн удаа Оскарт нэр нь дэвшиж байсанаас бус ганц ч удаа гардаж байгаагүй юм билээ.
Шилдэг эрэгтэй туслах жүжигчин: Ж.К.Симмонс
Шилдэг эмэгтэй туслах жүжигчин: Патрициа Аркэтт
Шилдэг найруулагч: Алехандро Гонсалес Иньярриту
Шилдэг хүүхэлдэйн кино: “Баатруудын хот”
Шилдэг зураглаач: Эммануэль Любецки-“Бердмэн”
Д.Бат-Эрдэнэ