Өнгөрөгч арванхоёрдугаар сарын 22-ны өдөр Сүхбаатар дүүргийн долоодугаар хорооны 10 дугаар байрны долдугаар орцонд 1 ой гарантай эмэгтэй хүүхдийг ээж нь хаясан хэрэг билээ. Охиныг байрны оршин суугч болон жижүүрүүд олж ЭХЭМҮТ-д хүргэхэд хоёр уушиг хүндэрсэн хатгалгаатай, хоолой нь улайссан байсан тул өчигдрийг хүртэл 20 гаруй хоног эрчимт эмчилгээ хийлгэж байсан ч бие нь дээрдэлгүй байсаар өчигдөр нас баржээ. Энэ сарын эхээр хүүхдийн эхийг олж тогтоон, охиныг асруулж байсан юм.
Охины ээж болох Д нь 22 настай оршин суух тодорхой хаяггүй, эрхэлсэн ажилгүй бөгөөд цагдаагийн мэдүүлэгтээ “Охин хүнд өвчин туссан, амьдралын боломжгүй учраас орхиж явахаас өөр аргагүйд хүрсэн. Сайн санаат хүмүүс олж өсгөх байх гэж бодсон” хэмээжээ. Түүнийг Сонгинохайрхан дүүргийн цагдаагийн хэлтэст шалгаж байна.