Ням гаригаас даваа гаригт шилжих шөнө
(өнгөрөгч шөнө) Орхон аймагт нэг гэр бүлийн таван хүн гэмт этгээдийн халдлагад
өртөж, хоёр нь амиа алдсан харамсалтай хэрэг гарчээ.
Халдлагад өртсөн гурван хүн эмнэлэгт
хүргэгдээд байгаа аж. ЦЕГ-ын
Хэвлэлийн албанаас тодруулахад “Ийм хэрэг гарсан нь үнэн. Хоёр
иргэн амиа алдаж, гурав иргэн эмнэлэгт хүргэгдсэн. Гэмт хэрэг үйлдсэн этгээдийг
хэн болохыг нь тогтоосон. Одоо эрэн сурвалжлах ажиллагаа явагдаж байна” гэлээ.
Хэргийг үйлдсэн этгээд ямар нэгэн галт
зэвсэг хэрэглээгүй гэх албан бус мэдээлэл байгаа бөгөөд одоо тус хэргийг ЦЕГ-ын
Онц хүнд гэмт хэрэгтэй тэмцэх хэлтэсээс томилогдсон ажлын хэсэг Орхон аймагт
очин шалгаж эхлээд байгаа ажээ.