Сэлэнгэ аймгийн Сайхан сумын Цагдан хорих байрнаас уржигдар шөнө хоёр хоригдол оргосон талаар бид мэдээллэсэн. Тэгвэл уг хоёр этгээдийг тус аймгийн нутаг дэвсгэрээс гарч амжаагүй байхад нь баривчилжээ. Цагдан хорих байрнаас оргосон Б.О, Э.О нар нь гуравдугаар сарын 2-3-ныг шилжих шөнө 02:30 цагийн үед оргосон бөгөөд Сэлэнгэ аймгийн цагдаагийн алба хаагчид шуурхай эрэн хайсны эцэст гуравдугаар сарын 3-ны үдээс өмнө хээр бүгсэн байхад нь олж баривчилжээ. Дээрх этгээдүүд нь нэг камерт хоригдож байсан бөгөөд нэг нь хүн амины хэрэг, нөгөө нь хүчингийн хэрэгт сэжиглэгдэн саатуулагдаж байжээ.