Монгол Улсын Засгийн газар, Бүгд найрамдах Польш улсын Засгийн газар хоорондын зээлийн ерөнхий хэлэлцээрийн хүрээнд гал түймэртэй тэмцэх техник, тоног төхөөрөмжийг шинэчлэхээр болсон юм. Энэхүү төслийг хэрэгжүүлэх зорилгоор Онцгой байдлын ерөнхий газраас тендер зарлажээ. Тендерийн материал хүлээн авах хугацаа өчигдөр дууссан байна. Энэ төслийн хүрээнд гурван сая еврогийн өртөг бүхий гал унтраах зориулалтын дунд оврын 13 автомашин, удирдлагын зориулалттай нэг, шуурхай албаны нэг нийт 15 авто машин нийлүүлэх юм байна.