Өнгөрсөн даваа гаригт Балбын нийслэл Катмандугийн “Tribhuvan” олон улсын нисэх онгоцны буудалд онгоц газардах үедээ чиглэлээ алдсаны улмаас осолдож, багадаа 49 хүний амь үрэгдээд байгаа талаар CNN агентлаг мэдээлжээ. Цагдаагийн байгууллагын төлөөлөгч Манже Неупанийн хэлснээр, “US-Bangla” агаарын тээврийн компаний “BS211” нислэгийн онгоц Бангладешийн Даккагаас хөөрсөн байна.
“US-Bangla” компанийн олон нийттэй харилцах албаны дарга Камрул Ислам онгоцонд 71 зорчигч, багийн гишүүд байсан гэжээ. Нийт 40 хүн газар дээрээ, есөн хүн эмнэлэгт нас барж, 22 хүн эмнэлэгт хэвтэн эмчлүүлж буй ажээ. Неупанийн хэлснээр, онгоц орон нутгийн цагаар 02:15 цагт осолдсон байна.
Зорчигчдын дийлэнх нь Балба, Бангладешийн иргэд бөгөөд Хятад, Малдивын нэг нэг иргэн байсан талаар “Tribhuvan” олон улсын нисэх онгоцны буудлын ерөнхий менежер Раж Кумар Четри “CNN” агентлагт мэдээлжээ. Албаны хүний мэдээлснээр, багийн дөрвөн гишүүн бүгд Бангладешийн иргэд байсан аж.
