Нийслэлийн хэмжээнд энэ оны нэгдүгээр сарын 28-ны өдрийн байдлаар гал түймрийн 218 удаагийн дуудлага бүртгэгдэж, гал түймэрт гурван иргэн өртөж нас барсан бол таван иргэн түлэгдэж гэмтжээ.
Нийт бүртгэгдсэн дуудлагыг өнгөрсөн оны мөн үетэй харьцуулахад 15.1 хувиар буурсан үзүүлэлт гэдгийг нийслэлийн Онцгой байдлын газраас мэдээллээ.
Мөн хугацаанд гал түймэрт 120 өвөл зуны сууц, 33 ил задгай хог, хогийн цэг, хогийн суваг, 25 машин техник, 15 гэр, 14 барилга байгууламж, 8 орон сууцны эд хогшил өртсөн байна.
Харин пийшин, зуух, яндангийн цонолтоос 89, цахилгаан эрчим хүчнээс 56, лаа, шүдэнз, ил гал, ил задгай асгасан үнс нурамнаас 47, машин техник ашиглалтын буруугаас 21, бусад шалтгааны улмаас дөрвөн удаагийн гал түймэр гарчээ.