6 сарын 13-ны өдөр ОХУ-ын Засгийн газрын комиссын гишүүд ОХУ-д “Tax Free” үйлчилгээг нэвтрүүлэх хуулийн төслийг баталлаа.
Ингэснээр Евразийн Эдийн Засгийн Холбоонд хамаарах улсаас бусад улсын иргэд ОХУ-д худалдан авсан барааны үнэд шингэсэн татвар /НӨАТ/ буюу ойролцоогоор 18 хувийг тус улсаас гарахдаа буцаан авах боломжтой болох юм.
Эхний ээлжинд Москва, Санкт-Петербург болон Сочи хотын нийт 14 нисэх онгоцны буудалд Tax free үйлчилгээ нэвтрэх бөгөөд цаашдаа бусад хотын нисэх онгоцны буудлуудад нэмэгдэнэ хэмээн Холбооны Гаалийн газрын дарга Владимир Булавин мэдэгдлээ.
Энэхүү үйлчилгээг ирэх 10 дугаар сараас нэвтрүүлэхээр төлөвлөөд байгаа бөгөөд НӨАТ-ыг буцаан авах гадаад иргэн нэг өдөрт 10 мянган рублиэс дээшгүй бараа худалдан авсан байх ёстой ажээ.
ОХУ-ын “Tax Free” үйлчилгээнд Монгол Улсын иргэд мөн хамаарах юм гэж МОНЦАМЭ мэдээллээ.