ҮХААЯ-наасОрос улстай хийсэн хэлэлцээрийн дагуу махны экспортоо нэмэгдүүлэхээр болсон билээ. Одоогоор манай улс хойд хөршид жилд 10-11 мянган тонн мах нийлүүлдэг байна. Тэгвэл дээрх тоог 100-110 мянган тоннд хүргэнэ хэмээн ОХУ-ын үйлдвэрлэгчид тооцоолж буй аж. Ингэснээр манайх ОХУ-ын үхрийн махны гол нийлүүлэгчдийн нэг болох юм.
Үхрийн махны эхний тээвэрлэлтээ хийхэд бараг бэлэн болсон талаар ОХУ-ын мэргэжилтнүүд мэдээлсэн байна. Энэ нь Бразил, Өмнөд Америкийн орнуудаас өндөр зардлаар тээвэрлэдэг орон зайг нөхөх боломжтой гэж хойд хөршийн худалдан авагчид үзэж буй аж. “100.000 тонн гэдэг нь ОХУ-ын үхрийн махны нийт импортын 15-20 орчим хувь юм. Хөрш Монгол Улстай хамтран ажиллах нь маш ашигтай. Ялангуяа Уралын компаниудад ложистикийн хувьд давуу талтай” хэмээн тус улсын Махны холбооны тэргүүн Мушег Мамиконян өгүүлжээ. Одоогоор ОХУ-ын үхрийн махны импортын 80 орчим хувийг Латин Америкийн орнууд бүрдүүлдэг байна.
Өмнө нь манай улс энэ байр суурийг эзэлж байсан ч 2010 онд малын өвчин гарч, хориг тавьснаас хойш бүтээгдэх үүнээ нийлүүлэх боломжгүй болсныг дээрх цахим хуудсанд тэмдэглэжээ.
Э.НОМИН