ОХУ коронавирусийн вакцинд хамрагдсан иргэддээ цахим батламж олгохоор болсныг тус улсын эрүүл мэндийн сайд мэдэгждээ. Тус улсын иргэд нэгдүгээр сарын 1-нээс эхлэн коронавирусийн вакцинд хамрагдсан иргэд цахимаар вакцинд хамрагдсаныг нотлох батламжийг цахим сайтаар хүлээн авах боломжтой болжээ. ОХУ өнгөрсөн сард Спутики ви вакциныг нийтэд хэрэглэж эхэлсэн. Уг вакцины аюулгүй байдал, үр нөлөөг бататгахын тулд 10 гаруй мянган хүнээс шинжилгээ авах үйл явц одоо өрнөж байна. Эрүүл мэндийн сайдынх нь мэдэгдсэнээр тус улсад 800 гаруй мянган хүнийг вакцинд хамруулж, 1,5 сая тун вакциныг мужуудад тараасан байна. Эхний ээлжид эмч эмнэлгийн ажилтан, багш нарыг вакцинд хамруулж байна. Өнгөрсөн 7 хоногт Оросын эрүүл мэндийн яам Спутиник ви вакциныг 60-аас дээш насныханд хийхийг зөвшөөрсөн. Орос нь ковид-19 цар тахлын халдварт тохиолдлын тоогоор дэлхийд дөрөвдүгээрт жагсаж байна. Тус улсад өнгөрсөн намраас эхлэн цар тахлын дэгдэлт нэмэгдсэн ч эрх баригчид нь хөл хорио тогтоох, бизнесийн үйл ажиллагааг зогсоохын эсрэг бодлого баримталж байна.