Тавдугаар сарын дүнгээр Хятад руу нийлүүлэх Оросын газрын тосны экспорт 8,42 сая тоннд хүрсэн талаар БНХАУ-ын Гаалийн ерөнхий газраас авсан мэдээлэлтэйгээр Ройтерс агентлаг дамжуулжээ.
Эх сурвалжийн мэдээлснээр, тавдугаар сард Орос улс Хятад руу хоногт 1,98 сая баррель газрын тос нийлүүлсэн нь өнгөрсөн оны мөн үетэй харьцуулахад 55 хувиар өссөн үзүүлэлт аж. Ингээд Орос улс Хятад руу газрын тос нийлүүлдэг орнууд дундаас нэгдүгээр байранд бичигдэх болсон бөгөөд өмнө нь газрын тос нийлүүлэлтээрээ нэгдүгээрт бичигддэг байсан Саудын Араб хоёрт бичигдэх болжээ.
Эндээс харахад барууны орнууд хориг тавьсан ч Орос худалдан авагч олж чадсан, үнээ бууруулахаас аргагүй болсон ч ашигтай ажиллаж байна гэж Ройтерс агентлаг онцолсон байна.