ОХУ-ын Ерөнхийлөгч В.Путин 2013 онд эхнэр Л.Александровнагаас албан ёсоор салж байгаагаа мэдэгдсэн. Тухайн үедээ тэд цаашдаа харилцан бие биенээ хүндэтгэж явахаа мэдэгдэж байв. Олон нийт тэдний цаашдын амьдралын сонирхсон боловч хэн ч энэ талаар тайлбар хийгээгүй. Салалтаа зарлахаас өмнөхөн Ерөнхийлөгч В.Путин Уран гимнастикийн олоимпийн аварга Кабаеватай холбогдсон тухай мэдээлэл хүчтэй тархаж байсан юм. Хожим Кабаевагаас төрсөн хүүхэд Л.Путинтэй усны дусал мэт адилхан гэсэн мэдээ түгжээ. Харин Ерөнхийлөгчийн эхнэр асан Людмила ямар нөхөртөй болсон талаар өнөөг хүртэл нууцалсаар иржээ. Саяханас Оросын мэдээллийн хэрэгслүүдээр нэгэн сэтгүүлч хувийн мөрдлөгө явуулсаны үр дүнд багагүй зүйл тодорхой болсон тухай мэдээлж байна. Тэргүүн хадагтай асан 2014 оноос үл хөдлөх хөрөнгийн “Меридиан” компанийг эзэмших болсон. Компанийн жилийн орлого жилийн 180 сая рубль. Харин түүний шинэ нөхөр “Хувийн харилцааны хөгжлийн төв” нэртэй фондын захирал А.Очертный. Бизнес хөөгөөд сүйдтэй амжилт олоогүй тэрээр сүүлийн үед чамгүй хөрөнгөжиж, томохон үл хөдлөх хөрөнгөтэй болсон гэнэ. Людмила Францад багагүй хэмжээний үл хөдлөх хөрөнгөтэй бөгөөд хотын оршин суугчид түүнийг эндээ ирдэг гэдгийг баталжээ.
Х.БАТ