Өнгөрсөн ням гаригт Олон улсын олимпийн хороо(ОУОХ)-ны Гүйцэтгэх хороо хуралдаж, Оросын баг тамирчдыг бүхэлд нь “Рио-2016” олимпийн наадамд оролцох эрхийг нь хасах эсэх асуудлыг хэлэлцэв. Тус хорооноос Оросын баг тамирчдыг РИО-2016 олимпийн наадамд оролцохыг зөвшөөрсөн шийдвэр гаргасан байна. Энэ талаар ТАСС агентлаг уламжилжээ.
Тус хорооны гишүүд Оросын хөнгөн атлетикчдыг олимпийн наадамд оролцуулахгүй байх нь тухайн спортын төрлийн олон улсын хорооны шийдэх асуудал гэсэн шийдэлд хүрсэн байна. Мөн сэргээш илэрсэн тамирчдыг Рио-де-Жанейро хотноо болох олимпийн наадамд оролцуулахгүй гэдэгт санал нэгджээ.