ОХУ-ын зорчигч тээврийн “Ан-148” онгоц ням гаригт буюу өчигдөр Москва хотын ойролцоо Степановской тосгонд осолдсон талаар TASS агентлаг мэдээлжээ. Зорчигч тээврийн Ан-148 онгоц нь Домодедово нисэх буудлаас Орск нисэх буудал орох хуваарьтай байсан аж. Москвагийн цагаар 14:21 цагт осолдсон уг онгоцонд 71 зорчигч байсан бөгөөд бүгд амиа алдсан харамсалтай осол гарчээ.
Онгоц Домодедово нисэх буудлаас хөөрснөөс дөрвөн минутын дараа радарт үзэгдэхгүй болсон байна. Одоогоор онгоцны ослын шалтгааныг цаг агаарын нөхцөл байдлаас шалтгаалсан хэмээн үэзж байгаа аж. ОХУ-ын Ерөнхийлөгч В.Путин осол болсны дараа мөрдөн шалгах ажил эхлүүлэхийг холбогдох албаныханд даалгажээ. Мөн тэрбээр, ослоор амиа алдсан хүмүүсийн ар гэрийнхэнд гүн эмгэнэл илэрхийлсэн юм.Ослын газраас онгоцны хар хайрцгийг олсон бөгөөд зорчигчдын цогцосыг эрэн хайх ажиллагааг эхлүүлжээ.
