ОХУ-ын Ерөнхийлөгч Владимир Путин, АНУ-ын Ерөнхийлөгч Доналд Трамп нар ирэх долдугаар сард Германы Хамбург хотноо болох “Их 20”-ийн чуулганы үеэр анхны уулзалтаа хийж магадгүй гэж ОХУ-ын Ерөнхийлөгчийн хэвлэлийн нарийн бичгийн дарга Дмитрий Песков мэдээллээ.
Тэдний уулзалтад бэлтгэх ажил хэдийн эхэлсэн, гэхдээ хэзээ, хаана болох нь одоохондоо тодорхойгүй байна гэж Оросын ГХЯ-наас мэдээллэсэн. Д.Трампыг тангараг өргөсний дараа хоёр удирдагч утсаар ярихдаа биечлэн уулзах ажлыг зохион байгуулах үүрэг өгөхөөр тохиролцжээ. Уг асуудлыг ОХУ-ын Гадаад хэргийн сайд Сергей Лавров, АНУ-ын Төрийн нарийн бичгийн дарга Рекс Тиллерсон нар уулзахдаа хэлэлцсэн байна.
О.ӨНӨР