ОХУ-аас Сири-н Алеппо хотын иргэдэд хүмүүнлэгийн тусламж долоо хоногийн өмнө илгээжээ. Далайн тээврээр 280 тонн өдөр тутамд хэрэгцээтэй зүйлсийг илгээжээ. Нийт 15-40 контейнер ачааг хүлээн авлаа хэмээн Оросын армийн төлөөлөгч мэдэгджээ. Хүмүүнлэгийн бараанд будаа, элсэн чихэр, гурил, лаазалсан бүтээгдэхүүн, цай зэрэг хотын оршин суугчдад нэн шаардлагатай байгаа хүнсний зүйлс багтсан байна.
Усан онгоцноос ачаа барааг буулгасны дараа том оврын ачааны машинуудад ачиж дүрвэгсдийн хуаранд хүргэжээ. Мөн орон гэргүй болсон хүмүүст орос цэргүүд 150 гал тогоо гарган хоол ундаар үйлчилж дулаан хувцас, уух ус, хоол ундаар хангажээ. Мөн өвдсөн болон шархадсан хүмүүст эмнэлгийн тусламж үзүүллээ хэмээн Тасс агентлаг мэдээллээ.
О.ӨНӨР