Монголын Оюун Ухааны академиас санаачлан зохион байгуулж буй “Ой тогтоолтын улсын аварга-2015” оюуны спортын 5 дахь удаагийн тэмцээн хоёр үе шаттай явагдаж байна. Эхний шалгаруулалт 2015.03.20-ны өдөр явагдаж 120 тамирчин оролцсоноос эцсийн шалгаруулалтад өрсөлдөх тамирчдын нэр тодорсон. Тэгвэл эцсийн шалгаруулалт өнөөдөр Монгол – Япон төвд эхэлж байна. Энэ шалгаруулалтад нийт 50 /бага-10, дунд-30, насанд хүрэгч-10/ тамирчин ой тогтоолтын 10 төрлөөр өрсөлдөнө. Тэмцээний ерөнхий шүүгчээр ОУ-ын шүүгч Х.Хатанбаатар ажиллах ба тамирчдын гаргах амжилтууд Дэлхийн чансаанд бичигдэнэ. Нас насны ангилалд эхний 3 байр шалгаруулж цом, медаль, өргөмжлөл мөн тэргүүлсэн тамирчдад цом гардуулна. Нийлбэр оноогоор эхний гурван байрт орсон тамирчдад 1 сая, 750 мянга, 500 мянган төгрөгийн шагналтай юм байна.
ТЭМЦЭЭНИЙ ТӨРЛҮҮД:
1. Хоёртын тоолол
2. Тооны марафон
3. Тооны марафон-Хурд
4. Багананд өгөгдсөн үгс
5. Түүхэн үйл явдал
6. Хийсвэр зураг
7. Нэр, зүс царай
8. Хөзөр-Хурд
9. Хөзрийн дараалал
10. Дуут цифр