Сонгинохайрхан дүүрэгт байрлах “Хилчин” хотхонд өнгөрсөн амралтын өдөр нэг настай хүү нүүрсний машины дайруулж, амиа алдсан хэрэг гарчээ. Хэргийн талаар иргэд цагдаагийн байгууллагад дуудлага өгсөн байна.
Ингээд мэдээллийн дагуу цагдаагийн алба хаагчид шалгахад тус дүүргийн нэгдүгээр хороонд оршин суух 37 настай Ц нь “Porter” маркийн автомашинаар нүүрс буулгаад хөдлөхдөө тус хотхоны …. тоотод суух нэг ой зургаан сартай С-ыг хойд дугуйгаараа дайрч, амь насыг нь хохироосон байжээ.
Хэргийн Сонгинохайрхан дүүргийн цагдаагийн нэгдүгээр хэлтэст шалгаж байгаа юм байна.
Дээрхээс гадна санамсар болгоомжгүй байдлаас үүдэж, золгүй байдлаар хоёр иргэн амиа алдсан тохиолдол бүртгэгджээ. Тодруулбал, Баянзүрх дүүргийн 22 дугаар хороо “Хонхор” орчимд ачааны вагоноос 30 настай Э гэх эрэгтэй барилгын хавтан зөөж байгаад, улмаар дарагдаж хүнд гэмтсэн байна. Тэрээр эмнэлэгт хүргэгдэн очсон ч гэмтлээ даалгүй амьсгал хураажээ.
Мөн Архангай аймгийн Батцэнгэл сумын Цац багийн нутаг дэвсгэр “Могой” гэх газарт мод бэлтгэж байсан 41 настай О гэх эрэгтэй модонд дарагдаж нас барсан золгүй явдал гарчээ. Хэргийг шалгаж байгаа аж.