Өчигдөр зарим аймгийн нутгаар цас орж, цасан шуурга шуурч, хөдөөгийн замд түгжрэл үүсч, цасанд суусан тохиолдол их гарчээ. Ямартай ч одоогоор цасан шуурганы улмаас хаагдсан зам даваа байхгүй гэдгийг Онцгой байдлын ерөнхий газраас мэдээллээ.
Баярын өдрүүдэд иргэдээс цасанд автомашинтайгаа саатсан дуудлага ихэвчлэн иржээ. Энэ дагуу онцгой байдлынхан хөдөөгийн замд цасанд суусан 14 автомашиныг татан гаргаж, 71 зорчигчийн аюулгүй байдлыг хангажээ. Мөн Дундговь аймгийн Сайнцагаан, Увс аймгийн Малчин суманд хоёр иргэн сураггүй болсон дуудлагын дагаа онцгой байдлын алба хаагчид эрэн хайх ажиллагаа явуулж малчдыг эсэн мэнд олсон байна.