ОБЕГ байгууллагынхаа хэмжээндээ хайлтын, байршил тогтоох “What3Words” системийг нэвтрүүлэхээр боллоо.
Тус байгууллага “what3word” программыг нэвтрүүлэх зорилгоор “What3Words лимитэд” компанитай хамтран ажиллах санамж бичиг байгууллаа. Энэ хүрээнд тус системийг нэвтрүүлж ашиглах талаар төв, орон нутгийн Онцгой байдлын байгууллагын мэргэжилтнүүдэд цахим сургалт явуулав. Сургалтаар “What3Words” системийг ашиглан дуудлагаар ирүүлсэн 3 үгээр тусгайлсан хаягаар байршлыг тогтоож ажиллах талаар мэдээлэл өглөө.
Монгол Улсын Шадар сайдын 3 дугаар сарын 12-ны 22 тоот тушаалаар баталсан “Гамшиг, аюулт үзэгдэл, ослын бүртгэл, гамшгийн хохирол хэрэгцээг үнэлэх заавар, аргачлал”-д гамшиг аюулт үзэгдэл, ослын дуудлагыг хаягийн бүртгэл, координат, 3 үгт хаягийг ашиглах талаар заажээ. Энэхүү системийг нэвтрүүлснээр аливаа аюул, ослын голомтыг шуурхай тогтоож, эрэн хайх, аврах ажиллагааг шуурхай зохион байгуулах боломж бүрдэнэ гэж ОБЕГ-аас мэдээллээ.
WHAT3WORDS СИСТЕМ ТУХАЙ
“What3words” систем нь гурван метрийн нарийвчлалтай байршлуудын харилцаа холбооны геокод систем юм. Энэ нь газарзүйн координатыг 3мx3м хэмжээтэй квадрат бүрт дахин давтагдашгүй 3 үгт хаягт хуваарилсан байдаг. iOS болон Android-д зориулсан програм юм. Өргөрөг, уртрагийн координат хоорондын чиглэлийг хоёр дахин хувиргах боломжтой API. Дэлхий дээрх байршлын томоохон мэдээллийн сангаас илүү тогтмол алгоритмд тулгуурладаг тул хязгаарлагдмал хадгалах төхөөрөмжтэй, интернет холболтгүйажилладаг. Оршин суудаг эсвэл ажилладаг газраа хүргүүлэхээр нарийвчилсан байршлаа хуваалцах,уулзалтын тохиромжтой цэгийг товлох, аяллын явцад олоход хүндрэлтэй газрыг нарийн заахдаа what3words-ийг ашиглах боломжтой ажээ.
Х.ЕСҮ