Чөлөөт бөхийн дэлхийн аваргын хошой мөнгөн медальт, Гавьяат тамирчин Оюунбилэгийн Пүрэвбаатарын нэрэмжит тэмцээн өнөөдөр буюу арваннэгдүгээр сарын 29-нд Спортын төв ордонд болох гэж байна.
Тав дахь жилдээ зохион байгуулж буй тус тэмцээн эрэгтэйчүүдийн 50, 55, 60, 66 кг-ын жинд болдог юм. Уг тэмцээн хөнгөн жинд шилдэг тамирчдыг төрүүлэн гаргах зорилготой гэдгээрээ онцлог юм байна. О.Пүрэвбаатар 2009 онд зодог тайлсан аж. Монголын чөлөөт бөхийн холбооноос тухайн үед түүнд хүндэтгэл үзүүлэх зорилгоор тэмцээнийг анх зохион байгуулжээ.