УИХ-ын гишүүн О.Баасанхүүг өрөөгөө суллаж өгөхийг шаарджээ.Тэрээр энэ тухай мэдээллийг өөрийн цахим орчноороо дамжуулан олон нийтэд хүргэв. Тодруулбал, О.Баасанхүү гишүүн “Өнгөрсөн долоо хоног нэлээд шүүмжлэлтэй, дайралттай болж өнгөрсөн. Би “Төсвийн хэмнэлт хийгээч, олон тасалгаатай өрөөгөө багасгах зэргээр хэмнэлт гаргаач” гэсэн байр суурь илэрхийлсэн юм. Мөн өнгөрсөн долоо хоногт Хөрөнгө оруулалтын банкны тухай хууль орж ирсэн. Хэлэлцүүлгийн үед “Монголд зээл олгох банк олон бий. Хамгийн гол нь Монголд Хятадын банк орж ирээд мега төслүүд, төмөр замыг зээлийн барьцаанд авах гээд байна” гэж хэлсний төлөө намайг нэр төрөөр доромжлох, гүтгэх гээд олон зүйл болсон. Өнөөдөр өглөө ажилдаа ирсэн чинь Төрийн ордонд байдаг өрөөнөөс минь хөөх албан ёсны бичиг гарсан байна. Тийм учраас би төрийн ордны булангийн коридорт суух гэж байна” гэв. Тэрээр 11:30 цагт энэ талаараа сэтгүүлчдэд мэдээлэл хийх юм.