Нөөцийн махны өргөтгөсөн худалдаа амралтын өдрүүдэд үргэлжлэх талаар ХХААХҮЯ, нийслэлийн захирагчийн Ажлын албанаас мэдээлж байна. Өргөтгөсөн худалдааны үеэр махыг гулуузаар борлуулж байгаа бол хүнсний дэлгүүрүүдэд жижиглэнгээр худалдаж байгаа юм. Гулуузаар хонины махыг кг-ыг нь 8300 төгрөгөөр худалдах аж.
Нийслэлд нөөцийн махыг хүнсний 481 дэлгүүр, сүлжээгээр борлуулж байна. Харин өргөтгөсөн худалдааг ажлын өдрүүдэд 10 байршилд, амралтын өдрүүдэд 33-35 байршилд зохион байгуулж байна.
Нөөцийн махны нийлүүлэлт, хүртээмж, чанар, аюулгүй байдлыг УБЗАА, Нийслэлийн Хүнс, хөдөө аж ахуйн газар, Нийслэлийн Мал эмнэлгийн газар, дүүргүүдийн Засаг даргын Тамгын газар, Татварын хэлтэс хамтран байнга хянаж байна.