Булган аймагт нөөцийн махаа худалдаанд гаргаж, үхрийн махыг 6000 төгрөг, хонины махыг 5500 төгрөгөөр борлуулж эхэлжээ. Дээрх нөөцийн махыг Булган аймгийн төв болон зургаан багийн дэлгүүрүүдэд худалдаж байгаа аж.
Нөөцийн махыг өнгөрсөн гуравдугаар сард худалдаанд гаргах байсан ч махны үнэ тогтвортой байсан учир ийнхүү хойшлуулаад байсан юм. Харин нийслэл хотын хувьд нэр бүхий хоёр компанийн бэлтгэсэн нөөцийн махыг гуравдугаар сарын дундуур худалдаанд гаргасан бөгөөд Баянзүрх дүүрэг дэх “Цэцэн хангай”, “Жавхлант”, “Цастын өвөр” дэлгүүр, “Номин”-гийн сүлжээ дэлгүүрүүд, “Дүүхээ” худалдааны төв, “Баясах” супермаркет, “Friendly mart” сүлжээ дэлгүүрээр жижиглэнгээр худалдаалж байгаа юм.