Хэнтий аймгийн Мөрөн сумын нутагт орших Салбар ууланд буга мөн аргаль зэрлэг амьтад нутагладаг юм. Тэгвэл энэ жил тухайн нутагт өвөлжилт хүндэрч байгаатай холбогдуулан тэдгээр амьтадад өвс тэжээлээр туслах аяныг тус нутгийн залуучууд өрнүүлжээ. Эдгээр залуус энэ талаар хэлэхдээ ” хүүхэд байхаас бид аргаль, буга зэрэг ховордсон амьтадаа тоо толгойг нь хайрлаж хамгаалж ирсэн. Эдгээр амьтад ганцхан Салбар ууланд байдаггүй зэргэлдээх ууланд ч мөн нутагладаг. Энэ жил цагийн байдал хүнд байгаа учир амьтад маань өөр нутагт дайжих вий, үхэж хорогдох вий гэж санаа зовниж байна. Тиймээс бид энэхүү аяныг өрнүүлж иргэн хүнийхээ үүргийг гүйцэтгэж байна ” гэж байлаа.