Нүд аргаж, улайж загатнан, нулимс гоожих зэрэг нь хэн хүнд элбэг
тохиолддог. Энэ нь тосны булчирхайн суваг битүүрч, тос ялгарахгүй болсонтой холбоотой
гэнэ.
Үүнийг шинжлэх ухаанд блефарит гэж үздэг. Блефарит гэдэг нь зовхины
тосны булчирхайн үрэвсэл. Зовхи нь босоо байрлалтай тосны булчирхайн суваг агуулж
байдаг. Уг сувгаас гарсан тос нулимсны найрлагад орж, нулимсыг нүдний гадаргуу дээр
удаан тогтоож нүдийг хуурайшихаас урьдчилан сэргийлдэг байна. Тоос шороо дээд, доод
зовхинд ороход нүдээ арчиж, нухалж болдоггүйг мэргэжлийн эмч нар зөвлөдөг. Мөн гадны
биетийг алчуур юм уу, зөөлөн хөвөнгөөр авах гэж оролдохын хэрэггүй. Эвэрлэг бүрхүүл
буюу гадна талын тунгалаг бүрхүүлийг гэмтээх аюултай гэнэ.
“Шил зүүх нь хараагаа нэг түвшинд барих хамгийн сайн арга. Хүүхдийг
багад нь эмчид хандаж харааны ямар нэг хугарлын гажигтай л гэсэн бол шил зүүлгэх
хэрэгтэй. 18 нас хүрээгүй хүүхдэд торлог, болор суулгах лазерын мэс засал хийдэггүй.
Насанд хүрээгүй хүүхдийн эд, эс гүйцэт төлжөөгүй байдаг учир хагалгаа хийх нь маш
хортой” гэж гуравдугаар эмнэлгийн нүдний нарийн мэргэжлийн эмч Б.Мөнхөө зөвлөж байна.
Нүдээ хамгаалахын тулд тогтмол эмчид үзүүлж хараагаа хянуулж байх, мөн архаг өвчнөөс
урьдчилах сэргийлэхийг эмч нар чухалчилдаг. Чихрийн шижин болон артерын даралт ихсэх
нь хараа муудахад нөлөөлдөг аж.
Хоол, хүнсэндээ А витамин хэрэглэвэл сайн гэнэ. Учир нь А витамин
агуулдаг хүнсэнд лууван, улаан лооль, жүрж, бөөрөлзгөнө, интоор, анар зэрэг ордог.
“Тимолол”, “Бордокст” гэх нүдний даралтын дусаагуурыг хүмүүс хэрэглэж
байна. Эмч нар ам сайтай байдаг. Мөн “Вижнейе”, “Черника форте”, “Лютеин интенсив”
зэргийг шинжлэх ухааны ололт гэж үзэх нь бий.