НҮБ-ын Ерөнхий нарийн бичгийн даргыг ирэх сарын 18-нд болох Ерөнхий Ассамблейн хурлаар тодруулах юм. Үүнтэй холбогдуулан Аюулгүйн зөвлөлийн 15 гишүүн мягмар гаригт болсон хаалттай хуралдаанаараа НҮБ-ын одоогийн тэргүүн А.Гүттэришийг нэр дэвшүүлэхээр санал нэгтэй дэмжжээ. Хэрэв тэрээр сонгогдвол дараагийн таван жил улиран ажиллах юм байна. Түүний бүрэн эрхийн хугацаа энэ оны сүүлчээр дуусгавар болох аж. А.Гүттэриш “Аюулгүйн зөвлөлийн шийдвэр нь намайг хүндэлсэн хэрэг юм” гэжээ. Португалийн ерөнхий сайд асан, НҮБ-ын тэргүүний дүрвэгсдийн асуудлыг эрхэлж байсан түүний хувьд 2016 онд байгууллагынхаа тэргүүнээр сонгогдож, 2017 оны нэгдүгээр сарын 1-нээс үүрэгт ажилдаа оржээ.
Д.ЦЭРЭНДОЛГОР