НӨАТ-ын сугалааны 2017 оны анхны тохирол энэ сарын 22-ны 19.00 цагт явагдана.
Энэ удаагийн сугалаанд өнгөрсөн оны 12 дугаар сарын 01-31-нд олгосон баримтыг хамруулах юм. Өнгөрсөн сард улсын хэмжээнд 38 мянга гаруй цэгээр дамжуулан 7 сая 371 мянган баримт олгож, хонжворын сан 675 сая болжээ. Уг тохирол нь НӨАТ-ын хуулийн шинэчилсэн найруулга хэрэгжиж эхэлснээс хойших 19 дэхь удаагийнх юм. Өнгөрсөн онд нийт 18 удаагийн тохирол явагдсанаас 78 мянга 570 азтан нийт 3 тэрбум 93 сая 280 мянган төгрөг хожсон байна.