2021 оны гуравдугаар улирлын төлбөрийн баримтаа цахим системд бүртгүүлэх хугацаа өнөөдөр 23:59:59 цагт дуусна.
Тиймээс гуравдугаар улирал буюу долоо, найм, есдүгээр сард худалдан авалт хийсэн төлбөрийн баримтаа дээрх системд бүртгүүлэхийг Татварын ерөнхий газраас дахин санууллаа.
Нэмэгдсэн өртгийн албан татварын тухай хуулийн дагуу худалдан авалтад төлсөн албан татварын 20 хүртэл хувийг улирал тутамд буцаан олгодог. Энэ оны хоёрдугаар улиралд 1.166.880 иргэнд 45.4 тэрбум төгрөгийг буцаан олгожээ.