“Босоо хөх Монгол” ТББ, “Ноён уулаа аваръя” хөдөлгөөнийхөн өлсгөлөн зарлаад өнөөдөр 10 хонож байгаа юм. Төр засаг тэдний үгийг сонстол өлсгөлөн зарлана гэдгээ мэдэгдээд байсан билээ. Болохгүй бол хуурай өлсгөлөн зарлана гэдгээ мэдэгдээд байсан тэдний нэг болох 61 настай эмэгтэй болох Цэрэннадмидийн биеийн байдал муудаж, эмнэлэгт хүргэгдээд байна. Түүнийг яаралтай түргэн тусламжийн эмч ирж үзээд даралт нь ихэссэн, дотор халуунтай гэсэн оноштойгоор Улсын төв Нэгдүгээр эмнэлэг рүү авч яваад байна. Мөн Сэлэнгэ аймгийн Мандал сумын иргэн өлсгөлөн зарлаж буй Борхүүгийн биеийн байдлыг тааруу байгаа ч “Үхтлээ нутгаа хамгаална. Эмнэлэг явахгүй” хэмээн мэдэгдэж эмнэлгийн тусламж авахаас татгалзаад байгаа юм. Өлсгөлөн зарлаж буй бусад найман иргэн бие нь муудсан ч эмнэлгийн тусламж авахгүй хэмээн мэдэгдээд байгаа аж.
