Ноён уул дахь “Сентерра Гоулд Монголия” компанийн лицензтэй холбоотой шүүх хурал 37 удаа хойшилж, шүүх засаглалын түүхэнд бичигдэх үйл явц болсон. Улмаар өчигдөр энэхүү маргааны эцсийн шийдвэр гарч Сентерра Гоулд ХХК-ийн эзэмшсэн дөрвөн ашиглалтын тусгай зөвшөөрлийг шүүхээс цуцалсан шийдвэр гаргалаа. Ингэснээр ноён уулыг Сентерра Гоулд Монголиа ХХК ухахааргүй болж байна. Ноён уулын хувь заяа Канадын Уул уурхайн компани болох Сентерра Гоулд Монголиа ХХК-ийн эзэмшилд шилжээд байсан билээ.
Өчигдөр Захиргааны хэргийн анхан шатны шүүхэд өдрийн 14 цагаас эхэлсэн шүүх хуралдааны эцсийн тов 19 цагийн үед гарсан юм. Сануулахад, 2016 оны нэгдүгээр сараас шүүхэд үргэлжилж байгаа энэхүү маргаанд нэхэмжлэгчээр “Ноён уулаа аваръя хөдөлгөөн” ТББ, хариуцагчаар Ашигт малтмал, газрын тосны газрын Кадастрын хэлтэс, гуравдагч этгээдээр “Сентерра Гоулд Монголия” компани, Засгийн газар оролцсон билээ.