Нью-Йорк хотын Бруклин дэх метроны буудалд иргэд рүү гал нээж, халдлага үйлдсэн 62 настай Фрэнк Жеймсийг батлан даалтанд гаргахгүйгээр хорихоор болсон талаар “Би-Би-Си” агентлаг мэдээллээ.
Түүнийг шүүх хурал өчигдөр /2022.04.14/ болж өнгөрсөн ба Фрэнк Жеймс гэм буруугаа хүлээгээгүй аж. Харин түүний өмгөөлөгч үйлчлүүлэгчийнхээ сэтгэц хэвийн бус гэдэгт эмчийн дүгнэлт гаргуулж авахыг шүүхээс хүссэн байна.
Хэрэв Жеймс үнэхээр гэм буруутай нь тогтоогдвол түүнийг бүх насаар нь хорих ялаар шийтгэх аж.
Яллагч тал буюу прокурорын зүгээс Фрэнк Жеймсийг “Нью-Йоркийн жирийн иргэд өглөө метрогоор зорчих үеэр жигшүүрт бөгөөд санаатай халдлага үйлдсэн” хэмээн буруутгасан байна.
Хэргийг эргэн сануулахад, Фрэнк Жеймс нийт 33 удаа гал нээсний улмаас 29 хүн шархадсан юм.
Эх сурвалж: The Wall Street Journal