Нийслэлийн нийтийн тээврийн хураамж 2017 оны дөрөвдүгээр сарын 1-нээс 100 хувь цахим төлбөрийн системд шилжсэн. Үүнтэй холбоотойгоор нийтийн тээврийн орлого өмнөх сараасаа 4,9 тэрбум хүрч 1,4 тэрбумаар өссөн үзүүлэлт гарчээ. Үүнийг өмнөх оны мөн үетэй харьцуулбал 1 тэрбум төгрөгөөр нэмэгдсэн байна.
Өнөөдрийн байдлаар 20 гаруй улсын байцаагч нийтийн тээвэрт хяналт шалгалт хийж байгаа. 5 сарын 15-наас хойш хөгжлийн бэрхшээлтэй иргэд, өндөр настан болон хөнгөлөлттэй зорчигчдын үнэмлэхийг эрчимтэй шалгах юм байна.
Иргэд зарим автобуснууд цагаасаа өмнө бууж байна гэж гомдоллодог. Энэ нь замын түгжрэлээс болж байгаа бөгөөд графикт өөрчлөлт оруулж, динамик график хэрэгжүүлэх чиглэл барьж байгаа аж. Богино эргэлттэй болсноос хойш нийт автобуснуудын 20 хувь нь хотын төв рүү орохоо больж, замын түгжрэлд эерэгээр нөлөөлж байгаа гэнэ.