Нийслэлийн газрын албанаас өнөөдөр Хан-Уул дүүргийн 10 дугаар хорооны нутаг дэвсгэрийн хоёр байршилд нийт 1.09 га газрыг дуудлагаар худалджээ.
Уг газрыг “Наранбулагхан” компани 138 сая төгрөгөөр худалдан авсан байна. Нийслэлийн газрын албанаас өнөөдрийн дуудлага худалдаагаар Баянзүрх, Хан-Уул, Сонгинохайрхан, Налайх, Багахангай, Багануур дүүргийн 29 байршилд нийт 89 га газрыг борлуулах төлөвлөөд байсан.
Гэвч дөрвөн аж ахуйн нэгж Хан-Уул дүүргийн 10 дугаар хорооны нутаг дэвсгэр буюу “Чингис хаан” олон улсын нисэх онгоцны буудлын баруун урд байрлах хоёр байршлыг худалдан авах санал ирүүлснээс “Наранбулагхан” компани хамгийн өндөр үнийг санал болгожээ.