УОК-оос Улаанбаатар хотоос орох, гарах хөдөлгөөнийг өчигдөр орой 21:00 цагт бүрэн хаах шийдвэр гаргаж, хэрэгжүүлээд байгаа билээ. Замын хөдөлгөөнийг IV сарын 25-ны 06:00 хүртэл хаана. Энэ шийдвэр Сэлэнгэ, Дархан-Уул аймагт хэрэгжиж эхэлсэн. Энэ талаар Тээврийн цагдаагийн албаны урьдчилан сэргийлэх хэлтсийн дарга, цагдаагийн хошууч Э.Энхболд “Сэлэнгэ, Дархан-Уулаас бусад аймгаас ирэх тээврийн хэрэгслийг нийслэл рүү нэвтрүүлэхгүй. Налайх, Баянзүрх, Багануур, Багахангай, Өлзийт, Баруунтуруун, Эмээлт, Гүнтийн товчоод болон 361-ийн гарам дээр орох, гарах хөдөлгөөнийг бүрэн хязгаарласан.
Урд шөнө 01:00 цаг хүртэл тээврийн хэрэгслийг асуумж авч нэвтрүүлсэн. Энэ цагаас хойш нийслэл хот руу тээврийн хэрэгслийг нэвтрүүлээгүй. Тиймээс ард иргэд коронавирусийн халдвараас өөрсдийгөө хамгаалж, орон гэртээ оршин суугаа газраа хязгаарлалтын дэглэмийг барих шаардлагатай байна” гэв.
