“Өдрийн сонин”-ы пүрэв гаригийн дугаар хэвлэгдэн гарлаа. Өнөөдрийн дугаарын онцлох нийтлэл, ярилцлага, сурвалжлагаас тоймлон хүргэе.
Өчигдөр Элсэлтийн ерөнхий шалгалт орон даяар нэгэн зэрэг Монгол хэл бичгийн шалгалтаар эхэлсэн билээ. Нийслэлийн сургуулиудын шалгалтыг тодорхой заасан, тохижуулсан анги танхимуудад авсан юм. Тухайлбал, Нийслэлийн дүүрэг бүрт, Баянзүрх дүүрэгт гэхэд л 33 дугаар сургууль, Сүхбаатар дүүрэгт хоёр, гурав, 16 зэрэг сургуулиудад төвлөрүүлэн авсан. ЭЕШ-ын эхний өдрөөс хийсэн сурвалжлагыг нэг, 11 дүгээр нүүрээс уншаарай.
“Дуган хад”-ны өвөрт зусч буй Ж.Нямдорж манлайн уяанаас сурвалжиллаа. Ж.Нямдорж манлай уг гарлаа хөөвөл Завхан аймгийн Алдархаан сумын хүн гэнэ. Харин түүнийг хэдхэн сартай байхад Жигжид гуайнх одоогийн Төв аймгийн Борнуур суманд нүүчихсэн юм билээ. Лхүндэвийн алдарт “Чонон” хонгор морийг нэг жилд найман удаа түрүүлгэж байсан манлай уяач өдгөө “Дуган хад”-ны өвөрт уул, ус, ой мод хосолсон үзэсгэлэнт газар хонин сүрэг, саалийн хэдэн үхэр, хурдан хүлгүүдийн хамт хэдхэн хоногийн өмнө нүүн иржээ. Наадмыг угтсан энэхүү сурвалжлагыг нэг, 13 дугаар нүүрээс уншина уу.
УИХ-ын гишүүн О.Баасанхүүгийн ярилцлага өнөөдрийн дугаарын нэг, тавдугаар нүүрт гарлаа. Тэрбээр “Надад мөнгө байсан бол санал тоолох хар машин худалдаж авах байсан юм” хэмээн ярилцлагадаа онцолжээ. Мөн түүнчлэн улс төрийн мэдээллийн нүүрээс “Женкогийн тэрбум гээд дэрхийх хооронд Хятадаас тэрбум ам.доллар суйлчихлаа” хэмээх гарчигтай нийтлэл гарсан байгаа. Үүнэс гадна Х.Баттулга, М.Энхболд, С.Ганбаатар нарын хөрөнгөтэй танилцах боломжтой. Хоёрдугаар нүүрийг дэлгээрэй.
“Өдрийн сонин”-ы нийтлэлийн бодлогыг тодорхойлж байдаг, нийгмийн үзэл санааны хамгийн талбар болж байдаг алдарт гуравдугаар нүүрт Төрийн шагналт зохиолч, манай сонины Орлогч эрхлэгч, нэрт нийтлэлч Б.Цэнддоогийн “Монгол харагдах…” хэмээх нийтлэл гарлаа. Харин Баримт, үйл явдлын долдугаар нүүрт “Монгол Сноуден Г.Доржзодов” хэмээх материал гарлаа. Г.Доржзодов гэх залуу МАН-ын дарга М.Энхболд, А.Ганбаатар, Ц.Сандуй нарын төрийн албыг мөнгөөр зарж, 60 тэрбум төгрөг хэрхэн босгох талаар хоорондоо ярьж байгаа бичлэгийг 2016 оны УИХ- ын сонгуулийн өмнө олон нийтэд дэлгэн тавьсан. Уг бичлэг олон нийтийн сүлжээнд тавигдсанаас хойш Монголын нэр нөлөө бүхий хүмүүс Г.Доржзодовыг хэрхэн дарамталж байсан, амь нас, гэр бүлд нь ямар дарамт шахалт бий болоод байгаа, хууль хяналтын байгууллага хэрхэн шалгаж байгаа талаар манай сонин өмнөх дугаартаа хүргэсэн. Тэгвэл энэ удаад сүүлийн үеийн шинэ баримтуудыг дэлгэж байна. Долдугаар нүүрийг сөхөөрэй.
Эдгээрээс гадна “Багш” “Дэлхийн мэдээ” “Дэлхийн улстөрч”, “Энэ өдөр” зэрэг булангууд хуваарийн дагуу гарлаа.
Эрхэм уншигч та, манай сонины өнөөдрийн дугаарыг “Монгол шуудан” компанийн нийслэл Улаанбаатар дахь 35 салбар, “Түгээмэл” шуудан, “Улаанбаатар”, “Скай” шуудангийн салбаруудаас очиж авч болох ба сонин борлуулах бүхий л цэгүүд, Хэвлэлийн биржээс худалдан авах боломжтой юм. Мөн “Мөнгөн завъяа” дахь сонин борлуулах цэг, Сансрын үйлчилгээний төв дэх сонин борлуулах цэг, Хан-Уул дүүргийн 19 дүгээр хорооллын үйлчилгээний төвд байрлах сонин борлуулах цэг, Саппорогийн “Миний дэлгүүр” дэх сонин борлуулах гол гол цэгүүдээс худалдах авч болохыг дуулгая. “Өдрийн сонин”-ы өөрийн байранд ирж худалдан авч бас болно.
“Өдрийн сонин”-той холбоотой бүхий л мэдээллийг Мэдээлэх эрхийн утас 19001987-гоос лавлаж болох ба захиалга өгөхийг хүсвэл 9911-2954, 8811-1375 дугаарт холбогдоно уу. Хэрэв цахим хэлбэрээр нь захиалахыг хүсвэл 88071920 дугаарт холбогдож дэлгэрэнгүй мэдээллийг лавлаарай.
“ӨДРИЙН СОНИН” ӨГЛӨӨ БҮХНИЙ УРГАХ НАРНААР ТАНТАЙ ХАМТ