НБА-ын тэргүүн Адам Сильвер болон Удирдах Зөвлөлийнхэн видео хуралдаан зохион байгуулж түр завсарлаад байсан улиралынхаа тоглолтын хувь заяаг шийдвэрлэжээ. Цар тахлаас хамааран гуравдугаар сарын дундуур зогссон 2019/2020 оны улиралын НБА-гийн сагсан бөмбөгийн тэмцээнийг долдугаар сарын 31-нээс эхлэн Орландогийн “Диснейланд”ын зугаа цэнгээний паркад бүх багуудыг хамруулан тоглож дуусгахаар шийдвэрлэжээ. Багууд зургадугаар сарын сүүлчээр бэлтгэлийн баазаа нээж долдугаар сарын 7 гэхэд Орландод цуглах ёстой гэж захирамж гаргасан байна. Гэхдээ тэнд лигийн 30 баг бүгдээрээ очихгүй агаад нэгэнт түрүүлэх магадлалаа гээсэн найман багийг “чийж” үлдсэн 22 багтай нь хамт улиралын тоглолт ба плей оффыг дуусгахаар болжээ.
Д.БАТ-ЭРДЭНЭ